واحد.. اتنين.. الجيش العربي فين؟
الجيش العربي في مصر
ساكن في مدينة نصر
بيصحى من النوم العصر
وبيفطر شاي و منين
واحد.. اتنين.. الجيش العربي فين؟
الجيش العربي في سوريا
حالق عالموضة كابوريا
على طريقة فكتوريا
خلّى الترماي بدورين
واحد.. اتنين.. الجيش العربي فين؟
الجيش العربي الليبي
زيّ الفن التكعيبي
كله بتنجان يا حبيبي
الظاهر واخد عين
واحد.. اتنين.. الجيش العربي فين؟
الجيش العربي خليجي
ما فيه حيل يا حبيبي
لا يروح هو ولا ييجي
هذا صمت استراتيجي
اش فيك يا غراب البين
واحد.. اتنين.. الجيش العربي فين؟
الجيش العربي في تونس
اخضر مثل البقدونس
وعزيزة بتحب في يونس
يبقى الحروبات بعدين
واحد.. اتنين.. الجيش العربي فين؟
الجيش العربي سوداني
سامع رنّته بوداني
هو انا هاهجم فرداني
يالا ارجع يا ابو حسين
واحد.. اتنين.. الجيش العربي فين؟
الجيش العربي اتهان
يوم ما انضربوا الأفغان
وسكت في البوسنة زمان
واحد.. اتنين.. الجيش العربي فين؟
الرئيسية 
البوابة 
أحدث الصور 
التسجيل 
دخول 
الخميس 6 سبتمبر 2007 - 22:32